Home Kannada ಕೊರೊನಾದಲ್ಲೂ ಐಟಿ ಕಂಪನಿಗಳಿಗೆ ಸುಗ್ಗಿ, 5,000 ಕೋಟಿ ರೂ. ದಾಟಿದ ಇನ್ಫೋಸಿಸ್‌ ನಿವ್ವಳ ಲಾಭ

ಕೊರೊನಾದಲ್ಲೂ ಐಟಿ ಕಂಪನಿಗಳಿಗೆ ಸುಗ್ಗಿ, 5,000 ಕೋಟಿ ರೂ. ದಾಟಿದ ಇನ್ಫೋಸಿಸ್‌ ನಿವ್ವಳ ಲಾಭ

by Eha

ಹೊಸದಿಲ್ಲಿ: ದೇಶದ ಪ್ರಮುಖ ಐಟಿ ಕಂಪನಿ ಇನ್ಫೋಸಿಸ್‌ ಮೂರನೇ ತ್ರೈಮಾಸಿಕದಲ್ಲಿ 5,197 ಕೋಟಿ ರೂ. ನಿವ್ವಳ ಲಾಭ ಗಳಿಸಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಡಿಸೆಂಬರ್‌ 31ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ಇನ್ಫೋಸಿಸ್‌ ಲಾಭ ಶೇ. 17ರಷ್ಟು ಹೆಚ್ಚಾಗಿದೆ.

2019ರ ಮೂರನೇ ತ್ರೈಮಾಸಿಕದಲ್ಲಿ ಕಂಪನಿ 4,466 ಕೋಟಿ ರೂ. ಲಾಭ ಗಳಿಸಿತ್ತು. ಇದೀಗ ಕಂಪನಿಯ ನಿವ್ವಳ ಲಾಭ ಗಳಿಕೆ 5,000 ಕೋಟಿ ರೂ. ದಾಟಿದೆ. ಇನ್ಫೋಸಿಸ್‌ ಆದಾಯ ಕಳೆದ ವರ್ಷಕ್ಕೆ ಹೋಲಿಸಿದರೆ ಶೇ. 12.3ರಷ್ಟು ಹೆಚ್ಚಾಗಿದ್ದು 23,092 ಕೋಟಿ ರೂ.ನಿಂದ 25,927 ಕೋಟಿ ರೂ.ಗೆ ಏರಿಕೆಯಾಗಿದೆ.

ಇನ್ಫೋಸಿಸ್‌ನ ತಂಡ ಮತ್ತೊಂದು ತ್ರೈಮಾಸಿಕದಲ್ಲಿ ಅಧ್ಬುತ ಪ್ರದರ್ಶನ ನೀಡಿದೆ ಎಂದು ಸಂಸ್ಥೆಯ ಸಿಇಒ ಹಾಗೂ ಎಂಡಿ ಸಲೀಲ್‌ ಪಾರೇಖ್‌ ಹೇಳಿದ್ದಾರೆ.

ಟಿಸಿಎಸ್‌ ಬಳಿಕ ವಿಪ್ರೋಗೂ 3ನೇ ತ್ರೈಮಾಸಿಕದಲ್ಲಿ ಭಾರಿ ಲಾಭ, ಕೊರೊನಾ ಮೆಟ್ಟಿ ನಿಂತ ಐಟಿ ಕಂಪನಿಗಳು

“ಪ್ರಮುಖ ಜಾಗತಿಕ ಕಂಪನಿಗಳಾದ ವ್ಯಾನ್‌ಗಾರ್ಡ್, ಡೈಮ್ಲರ್ ಮತ್ತು ರೋಲ್ಸ್ ರಾಯ್ಸ್‌ನೊಂದಿಗಿನ ಹೊಸ ಕ್ಲೈಂಟ್ ಸಹಭಾಗಿತ್ವದ ಪ್ರಮಾಣವು ಇನ್ಫೋಸಿಸ್‌ ಡಿಜಿಟಲ್ ಮತ್ತು ಕ್ಲೌಡ್‌ ಸಾಮರ್ಥ್ಯವನ್ನು ಬಿಂಬಿಸುತ್ತದೆ,” ಎಂದು ಅವರು ವಿವರಿಸಿದ್ದಾರೆ.

ಕೊರೊನಾ ಬಿಕ್ಕಟ್ಟಿನ ನಡುವೆಯೂ ಟಿಸಿಎಸ್‌ಗೆ 8,701 ಕೋಟಿ ರೂ. ಲಾಭ

ಈ ಮೂಲಕ ದೇಶದ ಪ್ರಮುಖ ಮೂರೂ ಐಟಿ ಕಂಪನಿಗಳು ಮೂರನೇ ತ್ರೈಮಾಸಿಕದಲ್ಲಿ ನಿರೀಕ್ಷೆ ಮೀರಿ ಲಾಭ ಗಳಿಸಿವೆ. ಮೂರನೇ ತ್ರೈಮಾಸಿಕದಲ್ಲಿ ದೇಶದ ಅತೀ ದೊಡ್ಡ ಐಟಿ ಕಂಪನಿ ಟಿಸಿಎಸ್‌ನ ಲಾಭ ಶೇ.7ರಷ್ಟು ವೃದ್ಧಿಯಾಗಿದ್ದು 8,701 ಕೋಟಿ ರೂ.ಗೆ ಏರಿಕೆಯಾಗಿದೆ. ಇತ್ತ ವಿಪ್ರೋದ ಲಾಭ ಶೇ.21ರಷ್ಟು ಹೆಚ್ಚಾಗಿದ್ದು 2,968 ಕೋಟಿ ರೂ. ಗೆ ಏರಿಕೆಯಾಗಿದೆ.

Related Posts

Leave a Comment